वेलची खाण्याचे फायदे (Benefits of Cardamom in Marathi) :
वेलची भारतीय स्वयंपाक घरातील व मसाल्यामधील एक महत्वाचा घटक. व्यंजनाला एक सुगंध आणि स्वाद (चव) यावी यासाठी वापरला जाणारा घटक (मसाला) म्हणजे वेलची. याला वेलदोडा, विलायची, इलायची, एला असेही म्हटले जाते. नेपाळ जगातील सर्वात जास्त वेलची उत्पादक देश असून त्यानंतर अनुक्रमे भारत आणि भूतान आहे. वेलची भारतामध्ये मैसूर, मंगलोर, मलबार येथे पिकविली जाते. त्याच बरोबर श्रीलंका, आशिया आणि ऑस्ट्रेलियामध्ये वेलची भरपूर प्रमाणात पिकली जाते.
वेलचीचे स्वाद आणि सुगंध या गुणधर्मामुळे आपल्या व्यंजनास एक वेगळाच स्वाद प्राप्त करून देते. पण वेलची फक्त त्याच्या चवसाठी वापरली जाते तर तसे अजिबात नाही. स्वाद येण्याशिवाय वेलचीचे आरोग्यासाठी फायदेही बरेच आहेत. या छोट्या वेलची बद्दल बरेच काही जाणून घेणे आवश्यक आहे. या लेखातून आपण वेलदोडे खाण्याचे फायदे म्हणजेच वेलचीचे फायदे, ते कसे वापरले जाते आणि त्याचे नुकसान याबद्दल माहिती घेऊ. हा लेख वाचल्यानंतर आपण आपल्या आहारात वेलचीचा समावेश नक्कीच कराल.
वेलची मध्ये आढळणारे पोषक तत्व (Nutritional and Health Benefits of Cardamom or Elaichi in Marathi)
- मॅग्नेशियम (Magnesium)
- व्हिटॅमिन सी (Vitamin C)
- आयरन (Iron)
- नियासिन (Niacin)
- राइबोफ्लेविन (Riboflavin)
- पोटाशियम (Potassium)
- कॅल्शियम (Calcium)
वेलची खाण्याचे फायदे (Benefits of Cardamom or Elaichi in Marathi)
हृदयासाठी लाभदायक :
हृदय गती नियमित करण्यासाठी आणि रक्तदाब नियंत्रित ठेवण्यासाठी पर्याप्त पोटॅशियम आवश्यक आहे. पोटॅशियम, कॅल्शियम आणि मॅग्नेशियम सारख्या खनिजांमध्ये समृद्ध, वेलची आपल्या हृदयाच्या आरोग्यासाठी उत्तम आहे. या व्यतिरिक्त वेलची हे प्लेटलेट एकत्रित आणि जळजळ रोखू शकते, ज्यामुळे रक्ताच्या गुठळ्या आणि स्ट्रोकचा धोका बर्‍याच प्रमाणात कमी होतो. हृदयाच्या आरोग्याचा फायदा घेण्यासाठी वेलचीचे सेवन करणे आवश्यक आहे.
पाचक प्रणाली मजबूत ठेवते :
पाचक प्रणाली कमकुवत असलेल्या लोकांसाठी वेलचीचे सेवन फायदेशीर आहे. वेलचीमध्ये काही नैसर्गिक घटक आढळतात. जे अन्न योग्य पचन करण्यास मदत करतात आणि पाचक प्रणाली मजबूत ठेवण्यास मदत करतात. या व्यतिरिक्त, वेलचीमुळे गॅस, ॲसिडीटी आणि अतिसार सारख्या पोटाच्या इतर सामान्य समस्या दूर करण्याबरोबरच घशात आणि पोटात जळजळ होणे यांसारखे समस्या दूर करते.
अजून वाचा : अ‍ॅसिडिटी आणि गॅस समस्येवर घरगुती उपचार
केसांसाठी फायदेशीर :
वेलची केसांसाठी खूप फायदेशीर आहे. नियमितपणे वेलचा वापर केल्याने डोक्यातील कोंडा आणि केसांची इतर समस्या दूर होण्यास मदत होते. केसांमध्ये वेलचीचे तेल लावल्याने डोक्यातील कोंडाची समस्या दूर होते. वेलचीच्या तेलामध्ये अँटी-फंगल आणि अँटी-बॅक्टेरियाचे गुणधर्म असतात. हे तेल केसांना पोषक पुरवते, ज्यामुळे कोंडा कमी होतो व केसांच्या समस्या सुटतात.
अजून वाचा : केस वाढवण्यासाठी घरगुती उपाय | Hair Growth Tips in Marathi
वजन कमी करते :
वेलचीचे सेवन वजन कमी करण्यासाठी देखील फायदेशीर आहे. वेलची मध्ये असलेले फायबर अनियमित भूक नियमित करण्यास मदत करते. जे वजन कमी करण्यास फायदेशीर ठरते. याशिवाय वेलचीमध्ये आढळणारे सर्व पोषक तत्वे वजन कमी करण्यात मदत करतात.
अजून वाचा : वजन कमी करण्याचे घरगुती उपाय | Weight Loss Tips in Marathi
कर्करोग प्रतिबंध करते :
वेलची कर्करोगासारख्या गंभीर आजारांची लक्षणे कमी करण्यास मदत करू शकते. कारण वेलची मध्ये कर्करोगाविरोधी गुणधर्म असतात. ज्यामुळे शरीरात कर्करोगाच्या पेशींची वाढ रोखण्यास मदत होते आणि कर्करोग रोखण्यास मदत होते.
ब्लड प्रेशर संतुलित ठेवते :
रक्तदाब कायम राखण्यासाठी दूध आणि वेलची पिणे खूप फायदेशीर आहे. दूध आणि वेलची दोन्ही मध्ये मॅग्नेशियम मुबलक प्रमाणात आढळते. हे पोषक तत्व उच्च रक्तदाब कमी करण्यासाठी आणि रक्तदाब संतुलित ठेवण्यासाठी प्रभावीपणे कार्य करते.
तोंडाची दुर्गंधी येणे यासारखी समस्या सोडवते :
तोंडाची दुर्गंधी किंवा श्वासाची दुर्गंधी यातून मुक्त होण्यासाठी आपण दररोज वेलची चघळावी. याशिवाय मळमळ, उलटी सारखे होणे तर वेलची चघळणे हा चांगला उपाय आहे. याशिवाय वेलचीचा वापर तोंडातील फोडांना बरे करण्यासाठी देखील केला जाऊ शकतो.
अजून वाचा : लवंग खाण्याचे फायदे | Benefits of eating Cloves in Marathi
प्रथम एका भांड्यामध्ये पाणी घालून मध्यम आचेवर ठेवा. उकळी आल्यावर आले आणि थोडी वेलची घालून एक मिनिट ते उकळवा. काही वेळेनंतर त्यात चहा पती घाला. गडद रंग होताच त्यात दूध घाला आणि उकळी येऊ द्या. उकळी येताच बाकीची वेलची त्यात घाला आणि चहाला उकळी द्या. सुमारे 2-3 मिनिटे उकल्यानंतर गॅस बंद करुन चहाच्या कपात गाळून घ्या. अश्या प्रकारे वेलचीची चहा तयार आहे.
वेलचीचे नुकसान (Side Effects of Cardamom or Elaichi in Marathi)
- वेलची जास्त प्रमाणात सेवन केल्याने तुम्हाला छातीत मळमळ आणि उलटी सारखे होऊ शकते.
- वेलचीचे मोठ्या प्रमाणात सेवन केल्याने शरीरात प्रतिक्रिया सुरू होऊन अन्य प्रकारची ॲलर्जी देखील होऊ शकते.
- आपण कोणत्याही प्रकारची औषधे घेत असल्यास, वेलची अजिबात खाऊ नका. या मागचे कारण असे आहे की, त्यातील एंझाइम्स हे औषधांबरोबर रिअँक्शन करून हे शरीरास हानि पोचवू शकतात.
- वेलची मोठ्या प्रमाणात सेवन केल्याने आपली पचनसंस्था पचन करण्यास अक्षम होते. अशा परिस्थितीत मूत्राशयात किडनी स्टोनची समस्या देखील उद्भवू शकते.
लक्षात ठेवा :
हा लेखात आम्हीं सामान्य माहिती सादर केली गेली आहे. कृपया अधिक माहितीसाठी प्रथम आपल्या डॉक्टरांचा किंवा वैद्यकीय तज्ञांचा सल्ला घ्यावा.
आमच्या पोस्टच्या अपडेट मिळवण्यासाठी फॉलो करा : Facebook | Instagram | Twitter | Telegram