गुळ खाण्याचे फायदे (Benefits of Eating Jaggery in Marathi) :
हिवाळ्याच्या काळात गुळ खाणे आरोग्यासाठी खूप फायदेशीर मानले जाते. बरेच गुळ खाण्याचे फायदे आहेत, रिकाम्या पोटी गुळ खाण्याचे फायदे आहेत. त्यातील एक म्हणजे, गुळ पाणी पिणे हे ऐकणे थोडेसे विचित्र वाटेल, परंतु गुळ पाणी पिण्याचे फायदे आपल्या आरोग्यासाठी आश्चर्यचकित करतात. गूळ हे नैसर्गिक साखर म्हणून देखील ओळखले जाते. गुळ हे खजिन्यापेक्षा कमी नाही.
रात्री झोपताना गुळ खाल्ल्यास पोटाच्या समस्येस प्रतिबंध होतो. गुळाचे सेवन केल्यास आरोग्याच्या अनेक समस्या टाळता येतात. गुळामध्ये आढळणारे घटक आरोग्यासाठी खूप फायदेशीर मानले जातात. चला तर आपण गुळाच्या फायद्यांबद्दल जाणुन घेऊया.
गुळामधे आढळणारे पोषक तत्व (Medicinal Properties of Jaggery in Marathi)
गुळामध्ये कॅल्शियम, फॉस्फरस, मॅग्नेशियम, पोटॅशियम आणि लोह तसेच जस्त आणि तांबे यांचे प्रमाण जास्त असते. व्हिटॅमिनमध्ये प्रामुख्याने फॉलिक असिड आणि बी-कॉम्प्लेक्स सारखी जीवनसत्त्वे असतात. म्हणजेच याचा अर्थ असा की, गूळ हा उर्जेचा एक चांगला स्त्रोत आहे तसेच पौष्टिक कमतरता देखील पूर्ण करतो.
गुळ खाण्याचे फायदे (Benefits of Eating Jaggery in Marathi) :
सर्दी व खोकल्या मध्ये प्रभावी ठरते :
सर्दी व खोकल्या पासून बचाव करण्यासाठी गूळ हा खूप प्रभावी मानले जाते. काळी मिरी आणि आल्याबरोबर गूळ खाल्ल्यास थंडी ऋतु मध्ये या समस्येपासुन आराम मिळतो. आल्याबरोबर गूळ खाल्ल्याने घसा खवखवणे आणि जळजळ होण्यास या सारख्या समस्येस प्रतिबंध होतो.
अजून वाचा : लवंग खाण्याचे फायदे | Benefits of eating Cloves in Marathi
पोटासाठी फायदेशीर ठरते :
पोटाच्या अनेक समस्यांसाठी गुळ हा रामबाण उपाय मानला जातो. जर आपल्याला गॅस किंवा आंबटपणाची तक्रार असेल तर गुळ खाल्ल्याने त्याचा नक्की फायदा होईल. जेवणानंतर गूळ खाल्ल्याने पचन क्षमता चांगली राहते. गूळ खाल्ल्याने भूकदेखील वाढते.
अजून वाचा : अ‍ॅसिडिटी आणि गॅस समस्येवर घरगुती उपचार
रक्त शुद्धीकरणात मदत करते :
गूळामधे शरीरातील रक्त शुद्ध करण्याची क्षमता असते. रक्त शुद्ध राहिल्यामुळे बरेचसे आजार फिरकत सुद्धा नाहीत. नियमित आणि मर्यादित प्रमाणात त्याचे सेवन केल्यास आरोग्यास बरेच फायदे आहेत.
अजून वाचा : सीताफळ खाण्याचे फायदे आणि तोटे
हाडे मजबूत करते :
जर आपल्याला सांधेदुखीचा त्रास होत असेल तर गुळ आपल्यासाठी खूप फायदेशीर ठरू शकेल. गुळामध्ये स्थित असलेले कॅल्शियम आणि फॉस्फरस हाडे मजबूत करण्यास मदत करते. या शिवाय नियमित गूळा बरोबर आले खाल्यास हिवाळ्यात सांधेदुखी या सारख्या समस्या उद्भवत नाही.
त्वचेच्या समस्या सोडवते :
रोज गुळ खाल्ल्याने मुरुमांपासून मुक्त होते आणि चेहरा उजळतो. आपल्या त्वचेला आतुन स्वच्छ ठेवण्यात गुळ महत्वाची भूमिका बजावते हे पाहून तुम्हाला ऐकून आश्चर्य वाटेल. परंतु, शरीरातून अनेक हानिकारक विषारी घटक शरीराच्या बाहेर टाकण्यास गूळ उपयुक्त असल्याचे मानले जाते. त्यामुळे रक्त शुध्द झाल्याने आपली त्वचा स्वच्छ आणि निरोगी राहते.
अजून वाचा : कोरफड खाण्याचे फायदे | Benefits of Eating Aloe Vera in Marathi
निद्रानाश यांसारखी समस्या सोडवते :
हल्लीं बहुतेक जण रात्री अपुरी झोपेमुळे म्हणजेच निद्रानाश यासारख्या समस्येने त्रस्त आहेत. ह्या समस्येच मुख्य कारण म्हणजे मानसिक ताण तणाव. अशा परिस्थितीत जर तुम्ही सकाळी रिकाम्या पोटी गुळ व गरम पाण्याचे सेवन केले तर ते आरोग्यासाठी चांगले होईल. यामुळे तणाव कमी होईल आणि निद्रानाश कमी होईल.
अजून वाचा : नैराश्य (डिप्रेशन) का येते व नैराश्य कसे दूर करावे ?
दृष्टी वाढविण्यात मदत होते :
ज्या लोकांची दृष्टी कमकुवत आहे अथवा डोळ्यांना त्रास होत असेल अशा लोकांनी गूळ खाल्ल्याने डोळ्यांची कमजोरी दूर होते. गूळ खाल्ल्याने दृष्टी वाढण्यास मदत होते.
अजून वाचा : तुळशीचे फायदे | Top 12 Health Benefits of Tulsi (Basil) in Marathi
दमा (अस्थामा) साठी उपयुक्त ठरते :
गूळ आपल्या शरीरास अनेक प्रकारचे खनिज तत्व पुरवते. त्यात कोलीन, प्रथिने, कॅल्शियम, लोह, मॅग्नेशियम, मॅंगनीज, कार्बोहायड्रेट, फॉस्फरस, कोलीन असते. हिवाळ्यात गुळाचे सेवन करणे हे आपल्या आरोग्यासाठी खुपच फायद्याचे असते, तसेच ते दमा आणि ब्राँकायटिसपासून बचाव करण्यासाठी कार्य करते. ज्याला श्वासोच्छ्वासाची समस्या आहे अशा लोकांनी गुळाचे सेवन करणे. याशिवाय तीळात गूळ मिसळून खाल्ल्यास श्वसन संक्रमण किंवा श्वसनाच्या अनेक समस्या दूर होण्यास मदत होते.
अजून वाचा : गुळवेलचे फायदे | Top 8 Benefits of Giloy in Marathi
वजन कमी करण्यास मदत करते :
आज प्रत्येक जण वजन वाढीच्या तक्रारी पासुन त्रस्त आहेत. गूळ हा पोटॅशियमचा खुप चांगला स्रोत आहे, हेच पोटॅशियम वजन कमी करण्यास महत्वाची भुमिका बजावते. जो इलेक्ट्रोलाइट्स संतुलित करण्यास उपयुक्त ठरतो. परंतु थोडासा गूळ आपले वजन कमी करण्यात खूप मदत करू शकेल. तसेच, स्नायूंना बळकटी देण्याशिवाय गुळामुळे चयापचय प्रमाण देखील वाढते.
अजून वाचा : वजन कमी करण्याचे घरगुती उपाय | Weight Loss Tips in Marathi
रोग प्रतिकारशक्ती वाढविण्यात फायदेशीर ठरते :
गुळ अँटिऑक्सिडेंट्स आणि सेलेनियम सारख्या पोषक द्रव्यांसह समृद्ध आहे. हेच कारण आहे की, रक्तात हिमोग्लोबिनची संख्या वाढविण्यात गूळ उपयुक्त आहे.
अजून वाचा : रोगप्रतिकारक शक्ती कशी वाढवावी ?
जास्त प्रमाणात गुळ खाण्याचे तोटे (Side Effects of Eating Jaggery in Marathi)
जेथे आपल्याला गुळ खाण्याचे फायदे दिसले तेथे काही गुळ खाण्याचे तोटे देखील सुद्धा आहेत.
- गूळाचा प्रभाव खूप गरम आहे. गूळाच्या अति प्रमाणात सेवनामुळे नाकातून रक्तस्त्राव देखील होतो. म्हणुन उन्हाळ्यात गुळाचे सेवन न करण्याचा सल्लाही दिला जातो.
- जास्त प्रमाणात गुळाचे सेवन केल्याने वजन वाढण्याचा धोकाही वाढतो. ज्या लोकांना वजन कमी करायचे आहे त्यांनी आपल्या आहारात गुळ खाण्याचे प्रमाण ठराविक ठेवावे.
- ज्या लोकांना गुळाच्या अतिरेक सेवन केल्यास शुगर सारख्या समस्येस सामोरे जावे लागते.
लक्षात ठेवा :
गुळाचे सेवन आरोग्यासाठी खूप फायदेशीर आहे, परंतु मोठ्या प्रमाणात गूळ सेवन केल्यास अनेक समस्या उद्भवू शकतात. गुळाचे मर्यादित प्रमाणात सेवन केल्यास तुम्हाला बर्‍याच आजारांपासून वाचवता येते. निरोगी आणि तंदुरुस्त राहण्यासाठी गूळ मर्यादित प्रमाणात खा. म्हणुन आपण आपल्या आरोग्य व शारिरीक गरजेनुसार आपल्या आहारात गुलाचे प्रमाण सुनिश्चित ठेवले पाहिजे.
आमच्या पोस्टच्या अपडेट मिळवण्यासाठी फॉलो करा : Facebook | Instagram | Twitter | Telegram